Yn guon gefallen is it nedich dat jo mei spoed beoardiele wurde oangeande jo klacht.

Yn ús deiplanning besykje wy romte te hâlden foar soarch dy’t net wachtsje kin. Dochs komt it soms foar dat al earder plande ôfspraken yn de knipe komme troch in spoedgefal, want dizze soarch is net te plannen. 
 

As jo foar in reguliere klacht komme, is it mooglik dat jo langer wachtsje moatte of dat jo ôfspraak fersetten wurdt. Wy freegje hjirfoar begryp.

Binne jo it sels dy’t spoedeaskjende soarch nedich hat, dan freegje wy – as it mooglik is – nei de praktyk te kommen. De reden hjirfoar is dat wy op de praktyk de bêste fasiliteiten hawwe om in spoedgefal te behanneljen. Foar oare pasjinten dy’t soarch nedich hawwe, is it fijn dat de reguliere soarch sa koart mooglik ûnderbrutsen wurdt.

Hûsartsenzorg bûten kantoaryn.

Bûten de iepeningstiden wurdt de spoedich-hûshâldlike soarch troch de Dokterswacht Friesland (www.dokterswacht.nl).

De Dokterswacht biedt profesjonele soarch foar spoedeaskjende saken dy’t net wachtsje kinne oant de húsdokterspraktyk wer iepen is. It is dus in spoedtsjinst.

Somtiden twivelje jo miskien oft it nedich is om de Dokterswacht te beljen. Op de website fan de Dokterswacht (www.dokterswacht.nl) kinne jo in soad ynformaasje en links mei advizen fine.

Alle húsdokters dy’t oansletten binne by de Dokterswacht, dogge ek tsjinsten op de húsdokterspost. Jo kinne de húsdokters fan Yn Sicht geregeld oantreffe op ien fan de doktersposten, benammen op de húsdokterspost yn Ljouwert en Dokkum.

Wannear’t jo belje mei de spoedtsjinst, krije jo oan de telefoan in spesjaal trainde doktersassistinte, dy’t jo freget wat der oan de hân is. Fierder wurdt der ek noch frege nei algemienere saken, lykas jo foarskiednis en de medisinen dy’t jo brûke. De assistinte jout soms telefoanysk advys, dêr’t jo de tiid mei trochkomme kinne oant wy wer berikber binne. Soms is it nedich dat jo lânskomme op de húsdokterspost en yn in pear gefallen sil de húsdokter by jo komme. Yn libbensbedriigjende situaasjes kin de assistinte ek daliks beslute om in ambulânse op te roppen. 
As jo kontakt hân hawwe mei de Dokterswacht, wurdt der altyd in berjocht nei de eigen húsdokter stjoerd, wêrtroch wy ek op ’e hichte binne as jo ús nedich hawwe foar in ferfolch.

Noch in pear oandachtspunten:
As jo belje foar immen oars, soargje der dan foar dat jo de gegevens safolle mooglik paraat hawwe (bertedatum, medikaasje, sykten fan dyjinge). Meastal freget de assistinte oft de persoan sels ek noch efkes oan de telefoan komme kin om eventueel ekstra ynformaasje yn te winnen.

By in besite oan de húsdokterspost wurdt nei in legitimaasjebewiis frege, dat jo dus by jo hawwe moatte.